IRAKASGAIAREN HELBURUA
Irakasgaiaren helburu nagusia hau da: ikasleak gailu elektronikoen oinarri fisikoak ondo jakitea eta gailu jakin batzuk, gaur egun zirkuitu elektroniko gehienetan erabiltzen direnak,ezagutzea.
GAITASUNAK
BERARIAZKO GAITASUNAK
Irakasgaia egin ondoren, ikaslea honako hauek egiteko gauza izango da:
1. Material erdieroaleen oinarrizko ezaugarriak eta printzipio fisikoak ondo jakitea / zehaztea.
2. Eramaileen profilak, fluxuak, korronteak eta potentzialak prezisioz ebaztea, dimentsio bakarrean eta erdieroalezko egitura bakanetan.
3. Oinarrizko gailu elektroniko batzuk eta haien funtzionamendua eta aplikazio nagusiak ondo identifikatzea.
4. Zirkuitu diododun sinpleen transferentzia-kurba kalkulatzea.
5. Transistore bipolarrak edo eremu efektuko transistoreak dituzten zirkuitu errazen polarizazio-puntua ebaztea.
6. Erdieroalezko gailuetan gertatzen diren efektu dinamikoen ondorioak balioestea.
7. Zirkuitu anplifikatzaile sinpleak identifikatzea eta ebaztea (besteak beste, irabazia, tarte dinamikoa, sarrerako eta irteerako inpedantziak lortzea).
ZEHARKAKO GAITASUNAK
Gainera, beste gaitasun batzuk lantzen dira, irakaskuntza teknikoekin –eta bereziki ingeniaritzarekin- lotuta daudenak. Horrela, ikasleak kontu hauek garatzeko gaitasuna hobetuko du:
1. Grafikoak eta taulak irakurtzeko eta ulertzeko
2. Konplexutasun eta orokortasun anitzeko formulak aplikatzeko
3. Hainbat garapen matematiko egiteko; adibidez, hurbilketak, puntu baten inguruko garapenak, deribatu eta integral errazak, mugaldeko baldintzak aplikatzea
4. Teoriaren aplikazio zuzenetik harago doazen ariketak ebazteko, horretarako enuntziatuak, kontzeptuak eta formulak barneratuz, hausnartuz
AURREBALDINTZAK
Oso egokia litzateke ikasleek aldez aurretik Fisika, Kimika eta Matematika oinarri batzuk izatea. (Adibidez, Fisikan: karga, eremu elektrikoa, korrontea, tentsioa, masa, abiadura, azelerazioa; Kimikan: Bhör-en atomoaren eredua, taula periodikoa; Matematiketan: deribatua, integrala, funtzioen adierazpen grafikoa, ekuazio errazen ebazpena).
GAIEN ZERRENDA
Irakasgaiak 18 gai nagusi ditu, lau atal nagusitan multzokatuta: erdieroaleen analisia (Gaiak: 1-5, 43 ordu); pn juntura edo diodoa (Gaiak: 6-10, 49.5 ordu); transistore bipolarrak (BJT, Gaiak: 11-14, 50 ordu); eta eremu efektuko transistoreak (FET, Gaiak: 15-18, 45 ordu).
|
Gaia |
Izenburua |
Ahalegina (ordu) |
|
1 |
GAILUAK |
1 |
|
2 |
ERDIEROALEEN EZAUGARRIAK |
7 |
|
3 |
KORRONTEAREN EROAPENA |
8 |
|
4 |
SORRERA ETA BIRKONBINAKETA |
10 |
|
5 |
EKUAZIO OROKORRAK |
17 |
|
6 |
PN JUNTURA OREKA TERMODINAMIKOAN |
7.5 |
|
7 |
DIODOAREN POLARIZAZIOA |
10 |
|
8 |
DIODO IDEALAREKIKO DESBIDERATZEAK |
10 |
|
9 |
DIODOA ERREGIMEN DINAMIKOAN |
10 |
|
10 |
DIODODUN ZIRKUITUAK ETA BESTE DIODO ERDIEROALE BATZUK |
12 |
|
11 |
TRANSISTORE BIPOLARRA ESTATIKOAN |
7 |
|
12 |
TRANSISTORE BIPOLARRAREN SEINALE HANDIKO EREDUAK |
13 |
|
13 |
TRANSISTORE BIPOLARRA ERREGIMEN DINAMIKOAN |
13 |
|
14 |
ZIRKUITU ANPLIFIKATZAILEEN ANALISIA |
17 |
|
15 |
EREMU EFEKTUKO TRANSISTOREAK I: SAILKAPENA ETA MOSFETA |
10 |
|
16 |
EREMU EFEKTUKO TRANSISTOREAK II: JFETAK |
10 |
|
17 |
FETAK ERREGIMEN DINAMIKOAN: SEINALE TXIKIA |
15 |
|
18 |
FETEN POLARIZAZIOA |
10 |
METODOLOGIA ETA AHALEGINAREN ORDU BANAKETA
Weborri honetan pdf formatuan aurkezten den materiala 18 ikasgaitan banatu dugu eta ikastaroan zehar ikusi nahi diren kontzeptu guztietan sakontzen du. Dokumentuetan ematen diren azalpen praktikoetatik abiatuz, gure ustez, ikasleak ariketa eta autoebaluazio testak egiteko moduan egongo dira. Halere, oso aprobetxagarria izango zaie bestelako erreferentzia batzuk erabiltzea eta, hori dela eta, klasikotzat jo daitezkeen zenbait liburu eta internet-lotura batzuk gomendatzen ditugu.
Irakasgaia garatzeko, 187.5 ordu aurreikusi ditugu. Epe horretan, emandako ikasgaiak irakurri eta estudiatu ondoren beste bibliografia-iturri batzuk kontsultatu beharko lirateke (guztira 90 ordu); ariketen %75 edo gehiago eta autoebaluazio testak egin beharko lirateke (75 ordu eta 22.5 ordu hurrenez hurren).