IKASTEKO MATERIALAK

Oinarrizko sinbolo eta lengoaia matematikoa lantzen da. Enuntziatuak eta enuntziatuen frogapen motak aztertzen dira.

Multzo teoriaren oinarrizko kontzeptuak, funtzioaren definizioa eta funtzio motak; eta ordena eta baliokidetasun erlazioak lantzen dira.

Multzoen kardinalen kontzeptua lantzen da. Konbinatoriako oinarrizko printzipioak ikusten dira (batukorra eta biderkakorra). Aldakuntzak, permutazioak, konbinazioen definizioa ematen da. Konbinatorian garrantzitsuak diren zenbait zenbakien propietateak ikasten dira.

Zenbaki errealetan desberdintzak betetzen dituen propietateetatik abiatu eta inekuazio polinomiko, arrazional eta balio absolutudunak ebazten ikasten da.

Trigonometriaren oinarrizko definizio, erlazio eta emaitza nagusiak ikusten dira. Zenbaki konplexuen oinarrizko propietateak, adierazteko moduak eta unitatearen erroak lantzen dira.

Zenbaki osoen gainean zatigarritasunaren kontzeptua lantzen da. Hortik abiatuz, zatiketaren algoritmoa, Bezouten identitatea, zenbaki lehenak eta zenbakien faktorizazioa aztertzen dira.

Aritmetika modularra definitu eta lantzen da. Kongruentzia linealen eta sistemen ebazpena ikusten da, Hondarren Teorema Txinatarraren bidez. Fermaten teorema txikia eta haren erabilera eta ondorioak lantzen dira.

Polinomioen eraztuna aurkeztu eta haren gainean zatigarritasuna definitzen da. Zenbaki osoekin egindako prozedura imitatuz zatiketaren algoritmo eta zatitzaile komun handienak definitzen dira. Polinomioen faktorizazioa eta zatikien adierazpen sinplifikatua lantzen dira.