Konputagailuen programazioa Pascal lengoaiaren bitartez [2013/12] [eus]

Simpson azalpena [1/3]

Lehen urratsa

Jarraian eskaintzen den programan ikus daiteke bere programa nagusia eta bere menpekoa den IntegralaKalkulatu prozedura. Prozedura honek 4 parametro ditu:

1. iTarteak, zenbat tartetan banatu den [A, B] esparrua
2. rA beheko muga [A, B] esparruan
3. rB goiko muga [A, B] esparruan
4. rHurbilketa iterazio honetan integralak duen balioa

Lehenengo hiru parametroak sarrerakoak dira eta laugarrena irteerakoa. Prozeduraren ataza honako hau da: mugak eta tarte kopurua kontuan hartuta, integralaren hurbilketaren balioa kalkulatu. Egia esan, programaren lehen urrats honetan ez dugu integrala kalkulatzen, horren ordez kopuru konstante bat itzultzen du IntegralaKalkulatu prozedurak (guk aukeratu dugun 900.58 zenbakia).

Hau da ariketaren iturburu-programa, ikonoaren gainean sakatu programa hartzeko:

Eta hau da programa exekutatzean ateratzen dena:

Galdera 1:

Zergatik beti agertzen da da birritan ondoko mezu hau:

"IntegralaKalkulatu" prozedura barruan gaude. Integrala kalkulatzeko x aldagaia
kontrolatu behar dugu eta berari dagokion y ordenatua, f(x), lortu behar dugu.
Demagun, besterik gabe, integralaren emaitza 900.58 dela.

Galdera 2:

Zergatik rAzkenAldaketa aldagaiak beti balio du zero programa bukaeran.

Ez joan azalpenaren bigarren urratsera oraintxe azaldu dena erabat ulertu eta menperatu arte.