Datu Egiturak eta Algoritmoak Javan, [2009/12][Eus]
|
Datu Egiturak eta Algoritmoak JavanIrakasleak: Juanan Pereira Varela Jon Iturrioz Sánchez Lengoaia eta Sistema Informatikoak Saila
Irudia: CC-by : woodleywonderworks http://www.flickr.com/photos/wwworks/2292356957/ |
Irakasgaiaren deskribapena
Datu egiturak datu elementu erlazionatuen bildumak dira. Datu egitura bat ordenagailu batean oinarrizko datuak gorde eta antolatzeko modu bat da, datu horien erabilera modurik eraginkorrenean egin ahal izateko.
Datu egitura batek datuen antolaketa eta horien arteko erlazioak zehazten ditu, datu horien gainean egin daitezkeen eragiketekin batera: txertaketak, ezabaketak eta bilaketak, besteak beste. Eragiketa horiek modurik eraginkorrenean egin ahal izateko, irakasgai honetan zenbait algoritmo ezagun aztertuko dira.
Datu egitura bakoitzak bere alde onak eta eragozpenak ditu: batzuk erraztu egiten dute eragiketen inplementazioa baina eraginkortasunaren kontura, aldiz, beste batzuk eragiketak oso modu eraginkorrean programatzea ahalbideratzen dute baina zaila dira programatzen. Izan ere, datu egitura bat edo bestea nola, noiz eta zeren arabera hautatu behar den, irakasgai honen beste eginbeharra da.
Datu egiturak programatzeko Java programazio lengoaia erabiliko da. Irakasgaian aztertuko diren datu egitura guztiak (zerrenda estekatuak, zuhaitz bitarrak, hash taulak, grafoak... ) hasiera-hasieratik inplementatuko dira, Javak bere APIan eskaintzen dituen datu-bildumak erabili gabe. Ondoren, Java-ko API-a aztertu eta erabiliko da, berez Javak eskaintzen dituen datu-egiturak erabili ahal izateko.
