General
Esta obra se publica bajo una licencia Creative Commons License. 
AURKEZPEN BIDEOA
Diagrama de temas
IRAKASKUNTZA GIDA
Ikasgai hau amaitzerakoan, ikasleak gai izango dira:
1. Komunikazioaren elementu ezaugarriak identifikatzeko, eta, zehazki, publizitatearen arlora aplikatzeko.
2. Markaren elementu ezaugarriak identifikatu eta kasu partikularretara aplikatzeko.
3. Publizitate-kanpaina baten faseak eta estrategiak diseinatzeko, parte-hartzaileak bereiziz eta bakoitzaren egitekoak zehaztuz.
4. Erakundeetako identitatea eta irudia zertan datzan ezagutzeko, zein komunikazio-teknika baliatzen diren identifikatuz, batik bat harreman publikoetako tresna gisa.
IKASTEKO MATERIALAK
Gai honetan, Komunikazioaren sarrera egingo da: definizioa, faseak, elementuak eta eragileak aztertzen dira, eta ikastaroari izena ematen dioten hiru komunikazio motak ere definitzen dira: komunikazio komertziala, korporatiboa eta instituzionala. Halaber, Komunikazio Zuzendariaren lana azalduko da.
Gai honetan, komunikazio komertzialaren analisia egiten da, marketin estrategia barruan kokatzen delarik. Marketin mixaren politikak aipatu eta azaltzen dira, hau da, Produktua, Prezioa, Banaketa eta Komunikazioa, eta elementu horiek edozein enpresarentzat duten garrantzia.
Hemen ere komunikazio komertzialaren esparruko gaiak lantzen dira, hala nola markaren definizioa eta daukan balioaren garrantzia; marka nortasuna eta marka irudia zer diren eta euren arteko aldeak bereiziko dira. Gainera, enpresa edo erakundearen xedea, ikuspegia eta balioak aztertzen dira, eta enpresa edo erakundeen xedea, ikuspegia eta balioak.
Publizitatea lantzen da gai honetan: definizioa eta bilakaera, eragileak, publizitate agentzia motak eta egitura, eta publizitate kanpainen prozesua: briefingaren lanketa eta publizitate estrategiak: komunikazio eta sormen estrategia –eta horiekin batera, kontzeptu publizitarioa, hedabideen estrategia, iragarkien ekoizpena eta, amaitzeko, publizitate kanpainaren ebaluazioa.
Komunikazio korporatiboaz eta instituzionalaz dihardu gai honek. Ezer baino lehen, komunikazioaren industria aztertzen da, enpresak, erakunde publikoak eta gizarte erakundeen ikuspuntutik, baita gaur egungo egoera eta komunikazioaren joerak ere. “Identitate Korporatiboa” eta “Irudi Korporatiboa” kontzeptuak ardatza dira.
Azkenik, Harreman Publikoen eremura joko dugu: definizioa, funtzioak, publizitatearekiko aldeak, iritzi publikoa eta haien eragina. Harreman Publikoen tekniken berri ere emango da, besteak beste, prentsa oharra, prentsaurrekoa, elkarrizketak, ekitaldiak, etab.
GOMENDATURIKO IRAKURGAIAK ETA BESTELAKO MATERIALAK
Txostenak
Artikulu akademikoak
Albisteak eta bideoak
