Lan hau argitaratzen da Creative Commons License litzentziapean. 
 |
Kontuen auditoria [2021/11][eus]Egilea:
UPV/EHU |
AURKEZPEN BIDEOA
Ikas material honen helburu nagusia Kontuen Auditoria zer den eta nola burutzen den argitzea da. Kontuen Auditoria lan merkatuan irteera profesionala duen jarduera da. Izan ere, araututako jarduera da eta kontabilitate agirien kanpo egiaztapen independentean datza.
Lehenengo atalean auditoriaren oinarriak garatuko dira, Kontuen auditoriaren definizioa eta helburuak adieraziz, eta interes orokorreko jarduera dela azalduz.
Bigarren atalean Ikuskaritzako Arau Teknikoak jorratuko dira, eta ardura berezia eskainiko zaio auditorearen etika eta independentziari.
Hirugarren atalean Kontuen auditoria prozesua eta metodologia adieraziko da. Aplikazio praktikoa burutzeko ezinbesteko atala da.
Laugarren atalean auditoriaren lan arloak aztertuko dira. Aplikazio atala da eta ariketa bildumarekin osatu behar da. Oro har bi ziklo aipatuko dira, non kontabilitate arlo desberdinak elkar lotuta dauden: Salerosketa zikloa (epe laburra) eta Inbertsio-Finantzaketa zikloa (epe luzea).
Kontuen auditoria-txostenaren edukia azalduko da, txostena prestatu eta interpretatzeko gai izateko.
Ariketa praktikoen ebazpenean excel orriak erabiltzea gomendatzen da.