Atalaren laburpena

  •  

    • 1. gaia: Beroaren transmisioa eraikinen itxituretan erregimen egonkor eta ezegonkorrean. Zenbakizko metodoak bero transmisioarako. Zubi termikoak. Fitxategia

      Gai honetan zehar, itxitura opakuen eta erdi-gardenen portaera termikoa erregimen iraunkor eta iragankorrean deskribatzen duten espresioak aztertzen eta garatzen dira. Itxituren bero-transmisioko kalkuloak egiteko zenbakizko metodo nagusiak aurkezten dira. Azkenik, zubi termikoekin lotutako arazoak zehazten dira.

    • 2. gaia: Itxitura-osagaien karakterizazio termikorako entseguak. Fitxategia

      Itxiturak karakterizatzea ezinbestekoa da haien energia jokaera aztertzeko, eta karakterizatzeko beharrezkoa da bai materialak bai eraikuntza soluzioak eta elementuak saiatzea. Gai honek karakterizaziorako saiakuntzen ezaugarri nagusiak deskribatzen ditu, bai laborategian garatutakoak zein in-situ egindakoak.

    • 3 gaia: Hezetasunaren transmisioa eraikinen itxituretan zehar erregimen egonkor eta ez-egonkorrean Fitxategia

      Gai honek hezetasuna garraiatzeko mekanismoak deskribatzen ditu erregimen iraunkor zein iragankorretan, mekanismo horiek definitzen dituzten oinarrizko legeak eta eraikuntza materialen propietate higroskopikoak definituz. Era berean, eraikinetako hezetasunarekin lotutako patologia aztertzen da.

    • 4. gaia: Eraikinen jokaera higroskopikoa. “Moisture buffering” eraikinetan Fitxategia

      Gai honek eraikuntza-materialeek eraikinaren barne-inguruneen oreka higroskopikoan nabarmen laguntzeko duten ahalmena lantzen du, hezetasuna gordetzeko eta trukatzeko duten ahalmenaren erabilera egokiari esker, eraikin barruko hezetasun oszilazioak murrizteko erabili ahal izateko. Ahalmen hau modu egokian aprobetxatuz, eraikinaren barneko giroaren hezetasun erlatiboa erosotasun termikoaren baldintzen barruan mantentzea lor daiteke, aire girotuko ekipoak intentsiboki erabili behar izan gabe, batez ere hezetasuna kontrolatzea garrantzitsua eta energetikoki garestia den inguruneetan.

    • 5. gaia: Aire-Infiltrazioak erakinetan Fitxategia

      Gaiak itxituretan dauden pitzadura formako akatsen eragina lantzen du. Pitzadura hauek airea igarotzea ahalbidetzen dute eta horrek eraikinetako bizilagunei ondoeza arazoak sortzen dizkie eta eraikuntzaren energia galerak handitzea dakar. Pitzadura-mota ezberdinetan airearen mugimendua deskribatzen duten espresioak, itxituretan agertu ohi diren pitzadura-kokapenak, eraikinaren itxitura aire-infiltrazioei dagokienez karakterizatzeko erabiltzen diren saikauntza-metodoak eta eraikinen simulaziorako eredu matematikoak aztertzen dira.